[img]file:///C:/Documents%20and%20Settings/PC/My%20Documents/My%20Pictures/mobilen/Promo%20flaer-Strogo%20Doverlivo.jpg[/img]
Промо на албум на Строго Доверливо во сабота вечер
Во сабота вечер (2 април), со почеток од 21 часот во кафе-барот Африка (Т.Ц. Лептокарија) ќе се одржи промоција на албумот на Строго Доверливо, кој го носи името „На самото дно“. Во продолжение ви даваме поширок осврт на албумот и на неговите автори. Истовремено ве покануваме да ни се придружите на промоцијата.
Строго Доверливо е рап група формирана во 2005та, најпрво составена од 3ца членови, сите од различни градови: МС Нерв (Парадокс, Скопје), Террор (Битола) и Кико МС ака Месија (Демир Хисар). После снимањето на првите две песни Кико МЦ се откажува од понатамошно учество во проектот. Албумот носи наслов "На Самото Дно" и тематски опишува настани од секојдневниот живот, претежно социјални теми и содржи критички осврт за нискиот морал и хипокризија на луѓето. Во суштина албумот има песимистички призвук, но има и повесели траки преку кои на комичен начин и со нескромна употреба на иронија и сарказам ја карикира и исмејува суровата реалност, но делумно има и доза на патриотизам. Албумот е сниман во периодот 2005 - 2009, од кои најголем дел од песните (70%) се снимени во 2006.
Како гости на албумот се појавуваат: Ессе, Кико МС, свеТец, Дарк Дог, Ханс, Alich ака Дилер - БТ, THE E и ДЈ Славе кој скречува на Интрото од албумот. Сите текстови се напишани од самите членови на Строго Доверливо, плус гостите својот дел. Продуцент на сите траки е Нерв, освен интрото кое е продуцирано од свеТец. Сите песни се снимени во студиото "Топли Дом" на Ошав Продукција, а албумот се издава за истоимената продукциска куќа. Мастеризиран е во 2009та и иако доцни со своето издавање заради финансиски потешкотии, сепак вреди секој хипхопер да го има во својата колекција.
Албумот ќе се продава на самата промоција по цена од 100 денари.
Аудио инженеринг: Таззак Акабатов, свеТец
Мастеринг: свеТец, Нерв
Извршни продуценти: Нерв, свеТец